domingo, 10 de marzo de 2019

DIA DE ROSALIA

O día 24 de xaneiro celebramos o día de rosalía en conmemoración ao seu nacemento.
Lemos poemas xunto á  nosa paticular Rosalía.






DÍA DA PAZ

O día 30 de xaneiro celebramos o día da Paz no instituto.
Traballamos para facer as pombas que decorarían o vestíbulo e recortamos tamén pombas nas que puxemos unha mensaxe de paz .







Visita da fotógrafa Lidia Queiruga

O día 28 de xaneiro visitounos a fotógrafa Lidia Queiruga.
Estivo con nós en dúas sesións, con 3º e 4º da ESO e con 1º e 2º de Bachiller.
Contounos moitísimas cousas das súas viaxes arredor do mundo e mostrounos moitas das súas  fotografías , nelas poidemos ver as diferentes culturas coas que contactou . Foi una actividade moi interesante.




luns, 14 de xaneiro de 2019

CASTELAO MAXISTRAL E PÓRTICO DA GLORIA

O pasado 8 de xaneiro o alumnado de 3º e 4º da ESO desprazámonos a Santiago de Compostela para realizar dúas visitas moi interesantes.
Castelao Maxistral, unha visita guiada pola obra literaria e gráfica de Castelao.
A exposición Castelao Maxistral, organizada no Museo Centro Gaiás, ten como elemento central o impresionante óleo A derradeira leición do mestre, pintado por Castelao durante o seu exilio na Arxentina para lembrar o seu amigo Alexandre Bóveda, fusilado o 17 de agosto de 1936.
E a visita ao Pórtico da Gloria, obra cumbre do Románico en Europa para coñecer a súa restauración e da que non temos fotos, pero que damos boa fe da impresión que nos causou a todos.







martes, 27 de novembro de 2018

TROCOLIBRO

Escomenzamos unha actividade que consiste nun intercambio de libros co lema "Colle un e , se queres, deixa outro" Unha semana ao mes estará a mesiña esperándovos con moitos libros seguro que moi apetecibles!
Así que xa sabedes, a pasar polo vestíbulo do noso centro! seguro que atoparedes algo do voso agrado!










sábado, 24 de novembro de 2018

PONTE EN NEGRO

O venres 23 de novembro ás 12 da mañá os alumnos de 2º ESO do IES Breamo fixeron unha saída ao Concello.
 Foi unha xornada de sensibilización social contra as violencias machistas. Tivo alí lugar unha lectura do manifesto "EN NEGRO CONTRA AS VIOLENCIAS"

Alumnas do centro foron as encargadas de facer unha lectura sobre o tema.
Na concentración tamén participaron alumnos do IES Fraga do Eume 



















xoves, 22 de novembro de 2018

EXCURSIÓN 2º Y 3º ESO

O pasado martes día 13 os alumnos de 2º e 3º da ESO tiveron unha saída pola mañá a Narón e a Ferrol.
En Narón asistiron á obra de teatro "Crecer" e en Ferrol visitaron o Museo Naval.